“வணங்கா மண்” கப்பலில் சென்ற போர் நிறுத்தக் கண்காணிப்புக் குழுவின் முன்னாள் உறுப்பினரும், ஐஸ்லாந்து குடியுரிமை உள்ளவருமான கிறிஸ்ஜன், மற்றும் பிரித்தானியக் குடியுரிமை பெற்றவரான உதயணன் ஆகியோரை தமிழ்நாட்டில் உள்நுழைய குடிவரவு அதிகாரிகளால் அனுமதி மறுக்கப்பட்டுள்ளது.இதனைத் தொடர்ந்து கப்பல் கப்ரன் அலி பேர்த்தெட், மற்றும் பணியாளர்களுடன் இவர்கள் இருவரும். கல்கத்தா துறைமுகத்திற்குச் செல்ல வேண்டிய நிலைக்கு தள்ளப்பட்டுள்ளனர்.
சென்னை சென்ற “வணங்கா மண்” கப்பலை இந்திய காவல்துறையினர், புலனாய்வுப் பிரிவினர், குடிவரவு அதிகாரிகள், குண்டு செயலிழக்கச் செய்யும் பிரிவினர் ஆகியோர் மோப்ப நாய்கள் சகிதம் சோதனையிட்டு, கடும் விசாரணைகளை மேற்கொண்டுள்ளனர்.
புலம்பெயர்ந்த தமிழ் மக்களின் அழுத்தம், மற்றும் ஒரு சில தமிழ்நாடு ஊடகங்கள் வெளியிட்ட செய்திகள் காரணமாகவே, “வணங்கா மண்” கப்பல் பொருள்களை ஏற்றுக்கொள்ள இந்திய அரசு சம்மதம் தெரிவித்திருந்தது.
வன்னியில் இறுதிக்கட்டப் போரில் தமிழ் மக்கள் பாரிய அளவில் இன அழிப்புச் செய்யப்பட்டுள்ளதாக, கனடா கியூபெக் மாநிலத்தைச் சேர்ந்த பேராசிரியர் பியரே பியுடெற் தெரிவித்துள்ளார்.